വർധിച്ചു വരുന്ന സാമൂഹിക തിന്മകൾക്കെതിരെ ' ഉണരാം ലഹരിക്കെതിരെ, കരുതാം പുതു തലമുറയെ' എന്ന ആപ്തവാക്യവുമായി ക്രിസ്ത‌്യൻ ഇവാഞ്ചലിക്കൽ മൂവ്മെന്റും (സിഇഎം) ഇവാഞ്ചലിസം ബോർഡും സംയുക്തമായ സംഘടിപ്പിക്കുന്ന ലഹരി വിമോചന സന്ദേശ യാത്രയ്ക്ക് തിരുവല്ലയിൽ തുടക്കമായി. ഏപ്രിൽ 17-മെയ് 16 വരെയാണ് യാത്ര. തിരുവല്ലയിൽ നടന്ന ഉദ്ഘാടന സമ്മേളനത്തിൽ ഇവാഞ്ചലിസം ബോർഡ് ചെയർമാൻ പാസ്റ്റർ ഫിലിപ്പ് എബ്രഹാം അധ്യക്ഷനായിരുന്നു. ശാരോൻ സഭാ മാനേജിങ് കൗൺസിൽ ജനറൽ സെക്രട്ടറി പാസ്റ്റർ വി.ജെ തോമസ് ഉദ്ഘാടനം നിർവഹിച്ചു. തിരുവല്ല ഡിവൈഎസ്പി ആശാന്ത് എസ് ഫ്ലാഗ് ഓഫ് ചെയ്തു‌. ഫ്ലാഗ് പാസ്റ്റർ സാം ജി കോശി, പാസ്റ്റർ ബ്രിജി വർഗീസ് എന്നിവർ ഏറ്റുവാങ്ങി. ലഹരി വിരുദ്ധ പ്രതിജ്ഞ വാചകം സിഇഎം ജനറൽ പ്രസിഡൻ്റ് പാസ്റ്റർ സാംസൺ പി തോമസ് ചൊല്ലിക്കൊടുത്തു. ജനറൽ സെക്രട്ടറി പാസ്റ്റർ ടോണി തോമസ് സ്വാഗതവും ജനറൽ ട്രഷറർ ബ്രദർ റോഷി തോമസ് നന്ദിയും അറിയിച്ചു. ഓഫീസ് സെക്രട്ടറി ബ്രദർ ടി ഒ പൊടികുഞ്ഞു ആശംസ അറിയിച്ചു. ലഹരി വിരുദ്ധ പ്രതിജ്ഞ വാചകം സിഇഎം ജനറൽ പ്രസിഡൻ്റ് പാസ്റ്റർ സാംസൺ പി തോമസ് ചൊല്ലിക്കൊടുത്തു. ജനറൽ സെക്രട്ടറി പാസ്റ്റർ ടോണി തോമസ് സ്വാഗതവും ജനറൽ ട്രഷറർ ബ്രദർ റോഷി തോമസ് നന്ദിയും അറിയിച്ചു. ഓഫീസ് സെക്രട്ടറി ബ്രദർ ടി ഒ പൊടികുഞ്ഞു ആശംസ അറിയിച്ചു.

തിരുവനന്തപുരം: ക്രിസ്ത്യൻ ഇവാഞ്ചലിക്കൽ മൂവ്മെന്റിന്റെ ആഭിമുഖ്യത്തിൽ കരുണയിൻ കരം പദ്ധതിയുടെ ഭാഗമായി മെയ്‌ 25 ഇന്നലെ തിരുവനന്തപുരം മെഡിക്കൽ കോളേജ്, RCC എന്നിവിടങ്ങളിൽ നിർധനരും അശരണരുമായ 500 ല്‍ അധികം പേർക്ക് വിശക്കുന്നവർക്ക് ആഹാരം(പൊതിച്ചോർ വിതരണം: "മന്ന") പ്രോഗ്രാം നടത്തി. C.E.M ജനറൽ പ്രസിഡന്റ് പാസ്റ്റർ സാംസൺ പി തോമസിന്റെ അധ്യക്ഷതയിൽ പാസ്റ്റർ സാം റ്റി മുഖത്തല പ്രാർത്ഥിച്ച് ഉദ്ഘാടനം ചെയ്തു.ജനറൽ സെക്രട്ടറി പാസ്റ്റർ ടോണി തോമസ് ജോയിൻ സെക്രട്ടറി ബ്രദർ സന്തോഷ് കൊറ്റാമം, ജോയിൻ ട്രഷറർ ബ്രദർ ബോബി മാത്യു,പാസ്റ്റർ വിൻസൻറ് മാത്യു ,ഇവാ. എബി ബേബി എന്നിവരും ജനറൽ കമ്മിറ്റി അംഗങ്ങളും പങ്കെടുത്തു. ജനറൽ കോർഡിനേറ്റർ പാസ്റ്റർ സാം ജി കോശി,വൈസ് പ്രസിഡണ്ട് പാസ്റ്റർ ജോമോൻ കോശി, തിരുവനന്തപുരം റീജിയൻ കോർഡിനേറ്റർ പാസ്റ്റർ വിമൽ പ്രദീപ് എന്നിവർ ഈ പ്രോഗ്രാമിന് നേതൃത്വം നൽകി. തുടർന്നും കരുണയിൻ കരം പദ്ധതിയിലൂടെ വിശക്കുന്നവർക്ക് ആഹാരം ( മന്ന ) വിതരണം ചെയ്യുന്നതാണെന്നു സംഘാടകർ അറിയിച്ചു.

തിരുവല്ല: ശാരോൻ ഫെലോഷിപ്പ് ചർച്ചിന്റെ യുവജന വിഭാഗമായ സി.ഇ.എം ൻ്റെ നേതൃത്വത്തിൽ 'കരുണയിൻകരം' പദ്ധതിയുടെ ഭാഗമായി പഠനോപകരണങ്ങൾ വിതരണം ചെയ്തു. ബാഗ്, നോട്ടുബുക്കുകൾ, വാട്ടർബോട്ടിൽ, ലഞ്ച് ബോക്സ്, പെൻസിൽ.ബോക്സ്, നെയിംസ്ലിപ്പ്, കുട എന്നിവയടങ്ങിയ കിറ്റാണ് കുഞ്ഞുങ്ങൾക്ക് നൽകിയത്. ശാരോൻ ഫെലോഷിപ്പിൻ്റെ കേരളത്തിലെ 18 റീജിയനുകളിൽ നിന്നായി 550 കുഞ്ഞുങ്ങൾക്കും അതോടൊപ്പം കണ്ണൂർ കിളിയന്തറ ഓർഫനേജിലുള്ള കുഞ്ഞുങ്ങൾക്കും ഈ സഹായങ്ങൾ നൽകി. എബനേസർ ഫുൾ ഗോസ്പൽ അസംബ്ലി ന്യൂയോർക്ക്, SFC ദോഹ-ഖത്തർ, SFC ബെഹ്റിൻ, C.E.M UAE Region, SFC ദുബായ്, SFC ഷാർജ, SFC എബനേസർ കുവൈറ്റ്, SFC ചിക്കാഗോ കൂടാതെ മറ്റനേകം സി.ഇ.എം. സഹകാരികളുടെയും സഹായം കൊണ്ടാണ് ഇത്രയും വിദ്യാഭ്യാസ സഹായം പൂർത്തീകരിപ്പാൻ കഴിഞ്ഞത് എന്ന് ഭാരവാഹികൾ അറിയിച്ചു.

തിരുവല്ല: ശാരോൻ ഫെല്ലോഷിപ്പ് ചർച്ചിന്റെ യുവജന പ്രസ്ഥാനമായ ക്രിസ്ത്യൻ ഇവാഞ്ചലിക്കൽ മൂവ്മെന്റ് (C.E.M) -ന്റെ ആഭിമുഖ്യത്തിൽ നട്ട് നനയ്ക്കാം നാളേയ്ക്കായ് എന്ന പദ്ധതിയുടെ സംസ്ഥാനതല ഉദ്ഘാടനം തിരുവല്ല ശാരോൻ സഭാ ആസ്ഥാനത്ത് പരിസ്ഥിതി ദിനമായ ഇന്ന് ജൂൺ 5 ന് നടന്നു. സഭയുടെ നാഷണൽ പ്രസിഡൻ്റ് പാസ്റ്റർ എബ്രഹാം ജോസഫ് പ്രാർത്ഥിക്കുകയും മിനിസ്റ്റേഴ്സ് കൗൺസിൽ സെക്രട്ടറി പാസ്റ്റർ വി ജെ തോമസ് വൃക്ഷത്തൈ നടുകയും ചെയ്തു. മറ്റ് കൗൺസിൽ അംഗങ്ങളും സി.ഇ.എം എക്സിക്യൂട്ടീവ്, ജനറൽ കമ്മിറ്റി അംഗങ്ങളും സന്നിഹിതരായിരുന്നു. അതോടൊപ്പം കേരളത്തിലെ വിവിധ റീജിയനുകളിലേക്ക് 400ൽ പരം വൃക്ഷത്തൈകൾ വിതരണം ചെയ്യുകയും നിശ്ചയിക്കപ്പെട്ട ഓരോ കേന്ദ്രങ്ങളിലും സി.ഇ.എം. പ്രവർത്തകർ വൃക്ഷത്തൈകൾ നട്ടു. സി.ഇ.എം ജനറൽ പ്രസിഡന്റ്‌ പാസ്റ്റർ സാംസൺ തോമസ്, ജനറൽ സെക്രട്ടറി പാസ്റ്റർ ടോണി തോമസ്, ജനറൽ ട്രഷറർ റോഷി തോമസ് തുടങ്ങിയവർ നേതൃത്വം നൽകി.

തിരുവല്ല: ക്രിസ്ത്യൻ ഇവാഞ്ചലിക്കൽ മൂവ്മെന്റ് (സി. ഇ. എം) ജനറൽ കമ്മറ്റിയുടെ നേതൃത്വത്തിൽ പണികഴിപ്പിച്ച 'കരുണയിൻ കരം' നാലാമത് ഭവനത്തിന്റെ സമർപ്പണ ശുശ്രൂഷ ഏപ്രിൽ 28 ഞായറാഴ്ച വൈകിട്ട് 5:30 തൃശ്ശൂർ മാന്ദാമംഗലത്തു വച്ചു നടന്നു. ശാരോൻ ഫെല്ലോഷിപ്പ് ചർച്ച് തൃശ്ശൂർ റീജിയൻ മിനിസ്റ്റർ പാസ്റ്റർ കെ.ജെ. ഫിലിപ്പ് സമർപ്പണ ശുശ്രൂഷ നിർവഹിച്ചു. സി.ഇ.എം. ജനറൽ സെക്രട്ടറി പാസ്റ്റർ ടോണി തോമസിന്റെ അധ്യക്ഷയിൽ ജനറൽ പ്രസിഡന്റ്‌ പാസ്റ്റർ സാംസൺ പി തോമസ്, സെൻ്റർ മിനിസ്റ്റർ പാസ്റ്റർ തമ്പി ഡാനിയേൽ എന്നിവർ ദൈവിക സന്ദേശം അറിയിച്ചു . പാസ്റ്റർ ജോമോൻ കോശി, പാസ്റ്റർ സാം. ജി. കോശി എന്നിവർ സങ്കീർത്തനം വായിക്കുകയും ബ്രദർ റോഷി തോമസ് സി.ഇ. എം. പ്രവർത്തനങ്ങൾ വിശദീകരിക്കുകയും ചെയ്തു. പാസ്റ്റർമാരായ പി.എം ജോൺ, അഭിലാഷ് കെ.കെ, മാത്യു വി.വി എന്നിവർ ആശംസകൾ അറിയിച്ചു. പാസ്റ്റർ ബ്രിജി വർഗീസ് സ്വാഗതവും ബ്രദർ സി.വി ഷിജു നന്ദിയും അറിയിച്ചു. പാസ്റ്റർമാരായ സജി വർഗീസ്, സജു,ജോൺ സി സാം എന്നിവർ പ്രാർത്ഥനയ്ക്ക് നേതൃത്വം നൽകി. മാന്ദാമംഗലം ശാരോൻ സഭാംഗമായ ബ്രദർ ഷിബുവിനാണ് ഭവനം പണിതു കൊടുത്തത്. ഈ ഭവനത്തിന്റെ പണിക്കുള്ള സാമ്പത്തിക സഹായം നൽകിയത് ന്യുയോർക്ക് ആൽബനി ശാരോൻ ഫെല്ലോഷിപ്പ് ചർച്ച് പാസ്റ്റർ സന്തോഷ് തര്യനും കുടുംബവും അവിടുത്തെ സഭയുമാണ്. അവരോടുള്ള നന്ദി അറിയിക്കുന്നു.

തിരുവല്ല: ക്രിസ്ത്യൻ ഇവാഞ്ചലിക്കൽ മൂവ്മെന്റ് (സി ഇ എം) 2024-2026 വർഷത്തെ പ്രവർത്തന ഉദ്ഘാടനം ഇന്നലെ ഏപ്രിൽ 22ന് വൈകിട്ട് 5ന് ആലുവ-അശോകപുരം ശാരോൻ ഫെല്ലോഷിപ്പ് ചർച്ചിൽ വച്ച് നടന്നു. സഭാ നാഷണൽ പ്രസിഡന്റ്‌ പാസ്റ്റർ എബ്രഹാം ജോസഫ് ഉദ്ഘാടനം ചെയ്തു. സി ഇ എം ജനറൽ പ്രസിഡന്റ്‌ പാസ്റ്റർ സാംസൺ പി തോമസ് അധ്യക്ഷത വഹിച്ചു. പാസ്റ്റർ ഫെബിൻ ബോസ് കുരുവിള മുഖ്യ സന്ദേശം നൽകി. ജനറൽ സെക്രട്ടറി പാസ്റ്റർ ടോണി തോമസ് പ്രവർത്തന വിശദീകരണം നൽകി. സുവിശേഷീകരണം,ഭവന-വിദ്യാഭ്യാസ-ചികിത്സ തുടങ്ങി വിവിധ പദ്ധതികളുടെ പ്രവർത്തന ഉദ്ഘാടനവും നടന്നു. പാസ്റ്റർ എഡിസൺ സാമൂവേൽ അനുഗ്രഹ പ്രാർത്ഥന നടത്തി. സി ഇ എം ക്വയർ ഗാനങ്ങൾ ആലപിച്ചു. പാസ്റ്റർ പോൾസൺ വി എസ് സ്വാഗതവും ബ്രദർ റോഷി തോമസ് നന്ദിയും അറിയിച്ചു. സഭാ അന്തർദേശീയ പ്രസിഡന്റ്‌ പാസ്റ്റർ ജോൺ തോമസ്, പാസ്റ്റർ ഇമ്മാനുവേൽ പോത്തൻ, പാസ്റ്റർ സനു ജോസഫ് , പാസ്റ്റർ അനീഷ് കൊല്ലംകോട്, പാസ്റ്റർ ജിജോ യോഹന്നാൻ, ബ്രദർ ജേക്കബ് വർഗീസ്, പാസ്റ്റർ ബിനു എബ്രഹാം, സിസ്റ്റർ ലില്ലിക്കുട്ടി എഡിസൺ തുടങ്ങിയവർ ആശംസകൾ അറിയിച്ചു. കുവൈറ്റ്, ദോഹ, ബഹറിൻ, യു.എ.ഇ, യു.എസ്.എ, യു.കെ, ന്യൂസിലൻ്റ് തുടങ്ങിയ സ്ഥലങ്ങളിലെ സഭകളുടെ ആശംസകളും അറിയിച്ചു. പാസ്റ്റർമാരായ തോമസ് ചാക്കോ, വർഗീസ് എം ജെ, ബ്രദർ ബിനു വർഗീസ് തുടങ്ങിയവർ പ്രാർത്ഥനയ്ക്ക് നേതൃത്വം നൽകി. ജനറൽ കോ കോർഡിനേറ്റർ പാസ്റ്റർ സാം ജി കോശി, പാസ്റ്റർ പോൾസൺ വി എസ്, ബ്രദർ ആൽവിൻ തു

നിർദ്ധനരായ രോഗികൾക്ക് (ക്യാൻസർ, ഡയാലിസിസ്) ചികിത്സാ സഹായം നൽകുന്നു.

ശാരോൻ ഫെലോഷിപ്പ് ചർച്ചിൻ്റെ പുതിയ പ്രവർത്തനങ്ങളെ സപ്പോർട്ട് ചെയ്യുന്നതിൻ്റെ ഭാഗമായി തെരഞ്ഞെടുക്കപ്പെട്ട ദൈവദാസന്മാർക്ക് അടുത്ത രണ്ടു വർഷം സാമ്പത്തിക സഹായം ചെയ്യുവാൻ ആഗ്രഹിക്കുന്നു.

ദീർഘ വർഷങ്ങൾ സഭാശുശ്രൂഷയിൽ പ്രവർത്തിക്കുന്നവരും സ്വന്തമായി ഭവനമില്ലാത്തവരുമായ ദൈവദാസന്മാർക്കും, സഹോദരങ്ങൾക്കും സി.ഇ.എം. ഒരുക്കുന്ന ഭവന പദ്ധതി.

ഈ കാലഘട്ടത്തിൽ പ്രാർത്ഥനയുടെ ആവശ്യകത മനസിലാക്കിക്കൊണ്ട് സെക്ഷൻ, സെന്റർ, റീജിയൻ തലങ്ങളുമായി ചേർന്നു കാത്തിരിപ്പു യോഗങ്ങൾ, മുഴുരാത്രി, 24 മണിക്കൂർ നീണ്ടുനിൽക്കുന്ന ചെയിൻ പ്രാർത്ഥനകൾ എന്നിവയ്ക്ക് നേതൃത്വം നൽകുന്നു.

ആഗസ്റ്റ്- സെപ്‌തംബർ മാസങ്ങളിൽ സെക്ഷൻ, സെൻറർ, റീജിയൻ തലങ്ങളിലും, ഒക്ടോബർ 2-ാം തീയതി തിരുവല്ല ശാരോനിൽ വെച്ച് കേന്ദ്ര താലന്ത് പരിശോധനയും നടത്തപ്പെടുന്നു. ഇതിലൂടെ യുവജനങ്ങളുടെ താലന്തുകൾ ദൈവനാമ മഹത്വത്തിനായി വിനിയോഗിക്കുവാൻ അവരെ പ്രാപ്‌തരാക്കുന്നു.

ഡിസംബർ മാസത്തിൽ അവധി സമയത്ത് ഈ വർഷത്തെ ജനറൽ ക്യാമ്പ് നടത്തുവാൻ ആഗ്രഹിക്കുന്നു ആത്മപ്രചോദിതങ്ങളായ ദൂതുകൾ, സുവിശേഷവേലയ്ക്കായുള്ള ആഹ്വാനം, കൗൺസലിംഗ്, ബൈബിൾ പഠനം, ചർച്ചകൾ, സംഗീത ശുശ്രൂഷ തുടങ്ങിയ പ്രോഗ്രാമുകൾ ഉൾപ്പെടുത്തി ചെയ്യുവാൻ ആഗ്രഹിക്കുന്നു.

എല്ലാ വർഷവും ജൂൺ മാസത്തിലെ 4-ാം ഞായറാഴ്‌ച സി. ഇ.എം.ഡേ ആയി വേർതിരിക്കുന്നു. അന്നേ ദിവസം ഈ പ്രവർത്തനങ്ങൾക്കായി ഓരോ ലോക്കൽ സഭകളിലും നിശ്ചിത സമയം സി.ഇ.എം. പ്രവർത്തനങ്ങൾ ക്കായി പ്രാർത്ഥിക്കുകയും അതോടൊപ്പം തന്നെ സി. ഇ.എം.ന്റെ സാമ്പത്തിക ആവശ്യങ്ങൾക്കായി കവർ ശേഖരിക്കുകയും ചെയ്യുന്നു.

രക്തദാനം മഹാദാനം എന്ന ആശയം ഫലപ്രാപ്‌തിയിൽ എത്തിക്കുവാൻ ബ്ലഡ് ഡൊണേഷൻ ഫോറം സി.ഇ.എം. ആവിഷ്‌കരിക്കുന്നു. താല്പ‌ര്യമുള്ള മുഴുവൻ സി.ഇ.എം അംഗങ്ങളെയും ഉൾപ്പെടുത്തി അതിനായി വാട്‌സാപ്പ് ഗ്രൂപ്പ് തുടങ്ങുവാൻ ആഗ്രഹിക്കുന്നു.

ലോക പരിസ്ഥിതി ദിനമായ ജൂൺ 5 സി.ഇ.എം.ൻ്റെ നേതൃത്വത്തിൽ വിവിധസ്ഥലങ്ങളിൽ വൃക്ഷത്തൈ നടുവാൻ ആഗ്രഹിക്കുന്നു.

കേരളത്തിൻറെ വടക്കേയറ്റം മുതൽ തെക്കേയറ്റം വരെ ഓരോ സ്ഥലങ്ങളെ കേന്ദ്രീകരിച്ച് തിന്മയ്ക്കെതിരേ സന്ദേശം അറിയിക്കാനും തെരുവുനാടക ങ്ങളിലൂടെയും പരസ്യയോഗങ്ങളിലൂടെയും ബോധവത്കരണ സന്ദേശവും അറിയിക്കുവാൻ ആഗ്രഹിക്കുന്നു.

മുൻവർഷങ്ങളിൽ ചെയ്‌തുവന്നതുപോലെ ലഹരിക്കെതിരേയുള്ള സന്ദേശ യാത്രകൾ, ബൈക്ക് റാലികൾ തുടങ്ങിയ പ്രവർത്തനങ്ങൾ ചെയ്യുവാൻ ആഗ്രഹിക്കുന്നു. ലഹരിയുടെ തിക്താനുഭവങ്ങളെ തിരിച്ചറിയുവാനും അതിൽനിന്ന് മാറാൻ ആഗ്രഹിക്കുന്നവരെ കൗൺസലിംഗിലൂടെയും പ്രാർ ത്ഥനയിലൂടെയും തിരിച്ച് ജീവിതത്തിലേക്ക് നയിക്കുവാനും ആഗ്രഹിക്കുന്നു.

യുവാക്കൾ അഭിമുഖീകരിക്കുന്ന വിവിധ വിഷയങ്ങളെ ആസ്‌പദീകരിച്ച് അതു കൈകാര്യം ചെയ്യുവാൻ റിസോഴ്‌സ് പേഴ്‌സണുകളെ ഉപയോഗിച്ച് സെമിനാറുകൾ ക്രമീകരിക്കുവാൻ ആഗ്രഹിക്കുന്നു. ഇത് യുവതി യുവാക്കൾ അഭിമുഖീകരിക്കുന്ന പിരിമുറുക്കങ്ങളെ കുറയ്ക്കുവാനും ആത്മീയരായി നിലനില്ക്കുവാനും സഹായിക്കും.

യുവാക്കളുടെ ആത്മീയ മുന്നേറ്റത്തെ ലക്ഷ്യമാക്കിക്കൊണ്ട് വിവിധ റീജിയണുകളെ കേന്ദ്രീകരിച്ചുകൊണ്ട് ഉപവാസ പ്രാർത്ഥനയും കാത്തിരിപ്പു യോഗങ്ങളും ക്രമീകരിക്കുവാൻ ആഗ്രഹിക്കുന്നു.

ആത്മീക ആരാധനയ്ക്കും പുതിയതും പഴയതുമായ പാട്ടുകൾ പഠിക്കുവാനും അനുഗ്രഹീത ഗായകരെ സംഘടിപ്പിച്ച് മ്യൂസിക് നൈറ്റുകൾ നടത്തുന്നു.

സഭയിലെ യുവാക്കളെ സംഘടിപ്പിച്ച് ഈ വർഷം ഒരു ദിവസം സ്പോർട്‌സ് ഡേ ആയി ബാറ്റ്‌മിൻഡൺ മത്സരം നടത്തും. ഇത് യുവാക്കളുടെയും കുഞ്ഞുങ്ങളുടെയും ശാരീരിക മാനസിക ആരോഗ്യത്തെ പ്രോത്സാഹിപ്പിക്കുന്നതിനോടൊപ്പം സി.ഇ.എം.ന്റെ പ്രവർത്തനങ്ങളെ സ്നേഹിക്കുന്നതിനും കാരണമാകും.

ശാരീരികമായി വെല്ലുവിളി നേരിടുന്ന പ്രിയപ്പെട്ടവർക്ക് ഉപജീവന മാർഗ്ഗവും, ദൈനംദിന കാര്യങ്ങൾ ചെയ്യുവാൻ വേണ്ട സഹായം ചെയ്തു കൊടുക്കുവാൻ ആഗ്രഹിക്കുന്നു.

വിവിധ പ്രദേശങ്ങളിൽ പ്രാദേശിക ആശുപത്രികളുമായി ബന്ധപ്പെട്ട് മെഡിക്കൽ ക്യാമ്പ് ക്രമീകരിക്കുവാൻ ആഗ്രഹിക്കുന്നു. സഭയ്ക്കകത്തും, സഭയ്ക്കു പുറത്തേക്കും ഇത്തരത്തിലുള്ള പ്രവർത്തനങ്ങൾ വ്യാപിപ്പിക്കുക

ഒരു വർഷത്തിനുള്ളിൽ ബൈബിൾ മുഴുവനും വായിക്കുക എന്ന ലക്ഷ്യത്തോടെ ബൈബിൾ വായനാ കാർഡ് ഉണ്ടാക്കുകയും കുഞ്ഞുങ്ങളെ ബൈബിൾ വായിക്കുവാൻ പ്രചോദനം ഉണ്ടാകും വിധം വിവിധ പ്രോഗ്രാമുകൾ ചെയ്യുവാനും ആഗ്രഹിക്കുന്നു.

സാമ്പത്തികമായി പിന്നോക്കം നില്ക്കുന്ന കുടുംബങ്ങളിൽ അർഹരായ 500 വിദ്യാർത്ഥികൾക്ക് സ്‌കൂൾ കിറ്റ് നല്‌കുവാൻ ആഗ്രഹിക്കുന്നു. ഡിസംബറിൽ നടക്കുന്ന ജനറൽ കൺവൻഷനിൽ വെച്ച് മെറിറ്റ് അവാർഡും വിതരണം ചെയ്യുവാൻ ആഗ്രഹിക്കുന്നു.

പുതിയ പ്രവർത്തന സ്ഥലങ്ങളെ കേന്ദ്രീകരിച്ചും സഭകൾ ആവശ്യപ്പെടുന്നത നുസരിച്ചും സഭാ വിശ്വാസികളുടെ മുറ്റത്തുവെച്ചു മിനി കൺവെൻഷനുകൾ നടത്തുവാൻ ആഗ്രഹിക്കുന്നു. ഇതു നമ്മുടെ ഇടയിലെ കുഞ്ഞുങ്ങൾക്ക് സുവിശേഷ ഘോഷണത്തിനായുള്ള ഒരു അവസരവും ആയിരിക്കും.

നോർത്ത് ഇന്ത്യയിലെ വേലയിലേക്ക് യുവാക്കളെ സജ്ജരാക്കത്തക്കവണ്ണം നോർത്ത് ഇന്ത്യൻ ഗ്രാമങ്ങളെ പരിചയപ്പെടുത്തുകയും അവിടെ പ്രവർത്തിക്കുക എന്ന ലക്ഷ്യത്തോടെ വടക്കേ ഇന്ത്യയുടെ വിവിധ ഗ്രാമങ്ങളിലേക്ക് ചെറു ടീമുകളായി യാത്ര പോകുവാൻ ആഗ്രഹിക്കുന്നു.

പ്രായാധിക്യത്തിലും രോഗത്തിലുമായിരിക്കുന്ന ദൈവദാസന്മാരെ സന്ദർശിച്ച് പ്രാർത്ഥിക്കുവാനും സമയം ചെലവഴിക്കുവാനും ആഗ്രഹിക്കുന്നു. ഇത് അവരുടെ മാനസിക ഉത്തേജനത്തിനും ധൈര്യത്തിനും കാരണമാകും.